రైతులకు రిలయన్స్ ఫౌండేషన్ మరియు కృషి విజ్ఞాన కేంద్రం మామునూరు వారు సంయుక్తంగా అందించుచున్న పశుపోషణ సమాచారం: మేకలలో పిపీఆర్‌ (PPR) వ్యాధి లక్షణాలను గుర్తించుట మరియు నివారణ: ఒక సంవత్సరము వయసు ఉన్న మేక పిల్లల్లో ఈ వ్యాధి ఎక్కువగా వస్తుంది. ఈ వ్యాధి మార్‌టిల్లి వైరస్‌ వలన కలుగుతుంది. ఈ వైరస్‌ వ్యాధిగ్రస్త పశువు యొక్క మల మూత్రములో మరియు ముక్కు మరియు కంటి నుండి వచ్చే స్రావాలలో అధికంగా ఉంటుంది. సరిపడ గాలి మరియు వెలుతురు అందకపోవడం ఈ వైరస్ ఉధృతి ఎక్కువగా ఉంటుంది. వైరస్‌తో కలుషితమైన నీటిని మరియు ఆహారము తీసుకోవడం ద్వారా ఈ వ్యాధి ఇతర పశువులకు వ్యాప్తి చెందుతుంది. ఈ వ్యాధి సోకిన మేకలు సంతనుండి కొనుగోలు చేసి కొత్తగా మందలో కలిపినప్పుడు ఈ వ్యాధి వ్యాప్తి చెందుతుంది. శ్వాసకోశ మరియు జీర్ణ వ్యవస్థకు సంబంధించిన లక్షణాలు అనేవి మనకు కనిపిస్తాయి. ఈ వ్యాధి సోకిన మేకలో అధిక జ్వరం ఉంటుంది. ఆకలి మందగిస్తుంది, మేత మేయవు. పశువు శరీర ఉష్ణోగ్రతను బట్టి ఆంటీపైరెటిక్స్‌ మరియు ఆంటిబయోటిక్స్‌ విరోచనాలకుగాను ఆంటి డయేరియల్‌ ఔషధములను ఇవ్వాలి. నోటి పుండ్లకు బోరాక్స్ పౌడర్ + గ్లిసరిన్ ను పట్టించాలి. PPR వ్యాధి సోకిన మేకలను వెంటనే మంద నుండి వేరు చెయ్యాలి.  మూడు మాసాలు దాటిన మేకలకు తప్పనిసరిగా ఈ టీకాలు వేయించాలి. క్రమం తప్పకుండా టీకాలను వేయించాలి. ఈ టీకాలు వేయించినట్లయితే మూడు సంవత్సరముల వరకు వ్యాధి నిరోధకశక్తి అనేది ఉంటుంది. మీరు మరింత సమాచారం కోసం రిలయన్స్ ఫౌండేషన్ వారి టోల్ ఫ్రీ నెం 1800 419 8800 ను సంప్రదించగలరు.