ਸਤਿ ਸ੍ਰੀ ਅਕਾਲ, ਪਿਆਰੇ ਕਿਸਾਨ ਸਾਥੀਓ, ਰਿਲਾਇੰਸ ਫਾਊਂਡੇਸ਼ਨ ਅਤੇ ਭਾਰਤੀ ਮੌਸਮ ਵਿਗਿਆਨ ਵਿਭਾਗ, ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਲੁਧਿਆਣਾ, ਦੁਆਰਾ ਮੌਸਮ ਅਧਾਰਿਤ ਸਲਾਹ।
🍅 ਟਮਾਟਰ ਦੀ ਕਾਸ਼ਤ ਸਬੰਧੀ ਸਲਾਹ (ਬਿਜਾਈ ਅਤੇ ਪਨੀਰੀ ਦੀ ਲਵਾਈ)
ਸਰੋਤ: AMFU, ਬਠਿੰਡਾ
ਸਲਾਹ ਅਧੀਨ ਜ਼ਿਲ੍ਹੇ: ਬਠਿੰਡਾ, ਮੋਗਾ, ਸ੍ਰੀ ਮੁਕਤਸਰ ਸਾਹਿਬ, ਬਰਨਾਲਾ, ਮਾਨਸਾ ਅਤੇ ਸੰਗਰੂਰ
• ਬਿਜਾਈ ਦਾ ਸਮਾਂ: ਨਵੰਬਰ ਦੇ ਪਹਿਲੇ ਹਫ਼ਤੇ ਵਿੱਚ ਪੀ.ਟੀ.ਐੱਚ.-2, ਪੰਜਾਬ ਰੱਤਾ, ਪੰਜਾਬ ਗੌਰਵ, ਪੰਜਾਬ ਸਰਤਾਜ, ਪੰਜਾਬ ਸਵਰਨਾ ਅਤੇ ਪੰਜਾਬ ਛੁਹਾਰਾ ਕਿਸਮਾਂ ਦੇ 100 ਗ੍ਰਾਮ ਬੀਜ ਉੱਚੀਆਂ ਕਿਆਰੀਆਂ ਉੱਤੇ ਬੀਜੋ।
• ਬੀਜ ਦੀ ਸੋਧ: ਬੀਜ ਨੂੰ ਕੈਪਟਾਨ ਦਵਾਈ ਨਾਲ 3 ਗ੍ਰਾਮ ਪ੍ਰਤੀ ਕਿਲੋ ਬੀਜ ਦੇ ਹਿਸਾਬ ਨਾਲ ਸੋਧੋ।
• ਪਨੀਰੀ ਤਿਆਰ ਕਰਨਾ: ਇੱਕ ਏਕੜ ਲਈ ਪਨੀਰੀ ਤਿਆਰ ਕਰਨ ਵਾਸਤੇ 2 ਮਰਲੇ (50 ਵਰਗ ਮੀਟਰ) ਰਕਬਾ ਕਾਫ਼ੀ ਹੈ। ਕਿਆਰੀਆਂ ਤਿਆਰ ਕਰਦੇ ਸਮੇਂ ਪ੍ਰਤੀ ਮਰਲਾ 250 ਕਿਲੋ ਚੰਗੀ ਤਰ੍ਹਾਂ ਗਲੀ-ਸੜੀ ਰੂੜੀ ਦੀ ਖਾਦ ਪਾਓ।
• ਖੇਤ ਦੀ ਤਿਆਰੀ ਅਤੇ ਖਾਦਾਂ: ਇਸ ਮਹੀਨੇ ਦੇ ਆਖ਼ਰੀ ਹਫ਼ਤੇ ਵਿੱਚ ਟਮਾਟਰ ਦੀ ਪਨੀਰੀ ਖੇਤ ਵਿੱਚ ਲਗਾਉਣੀ ਸ਼ੁਰੂ ਕਰੋ। ਕਿਆਰੀਆਂ 0.75 ਮੀਟਰ ਚੌੜੀਆਂ ਬਣਾਓ ਅਤੇ ਪੌਦਿਆਂ ਵਿਚਕਾਰ 30 ਸੈਂਟੀਮੀਟਰ ਦਾ ਫ਼ਾਸਲਾ ਰੱਖੋ। ਪ੍ਰਤੀ ਏਕੜ 10 ਟਨ ਰੂੜੀ ਦੀ ਖਾਦ, 55 ਕਿਲੋ ਯੂਰੀਆ, 155 ਕਿਲੋ ਸਿੰਗਲ ਸੁਪਰ ਫਾਸਫੇਟ ਅਤੇ 45 ਕਿਲੋ ਮਿਊਰੇਟ ਆਫ਼ ਪੋਟਾਸ਼ ਪਾਓ।
• ਪਨੀਰੀ ਦੀ ਲਵਾਈ: ਪੌਦਿਆਂ ਵਿਚਕਾਰ 30 ਸੈਂਟੀਮੀਟਰ ਦਾ ਫ਼ਾਸਲਾ ਰੱਖਦਿਆਂ ਦੋ ਪੌਦੇ ਲਗਾਓ। ਪਨੀਰੀ ਲਗਾਉਣ ਤੋਂ ਤੁਰੰਤ ਬਾਅਦ ਪਾਣੀ ਲਗਾਓ। ਅਗਲੇ ਹਫ਼ਤੇ ਖਾਲੀ ਥਾਵਾਂ ’ਤੇ ਪੌਦੇ ਲਗਾ ਕੇ ਦੁਬਾਰਾ ਪਾਣੀ ਦਿਓ।
• ਕਿਸਮ ਦੀ ਚੋਣ: ਘਰੇਲੂ ਬਗੀਚੀ ਅਤੇ ਸਥਾਨਕ ਮੰਡੀ ਲਈ ਪੰਜਾਬ ਰੱਤਾ ਕਿਸਮ ਨੂੰ ਤਰਜੀਹ ਦਿਓ। ਪ੍ਰੋਸੈਸਿੰਗ ਲਈ ਪੰਜਾਬ ਰੱਤਾ/ਪੀ.ਟੀ.ਐੱਚ.-2 ਕਿਸਮਾਂ ਦੀ ਕਾਸ਼ਤ ਕਰੋ।
• ਨਿਮਾਟੋਡ ਪ੍ਰਭਾਵਿਤ ਜ਼ਮੀਨ: ਅਜਿਹੀ ਜ਼ਮੀਨ ਵਿੱਚ ਸਿਰਫ਼ ਨਿਮਾਟੋਡ ਪ੍ਰਤੀ ਰੋਧਕ ਕਿਸਮ ਪੰਜਾਬ ਐੱਨ.ਆਰ.-7 ਹੀ ਲਗਾਓ।
• ਵਧੇਰੇ ਜਾਣਕਾਰੀ ਲਈ ਤੁਸੀਂ ਸਾਡੇ ਚੈਟਬੋਟ ਨੰਬਰ 8779500400 ’ਤੇ ਸੰਪਰਕ ਕਰ ਸਕਦੇ ਹੋ।
Content Comments
Likes
Dislikes
| Comment |
Author |
Date |
| Be the first to post a comment... |